O Concello de Lugo informou hoxe de que o día 10 de maio vai precintar as instalacións de dúas antenas de telefonía móbil de Telefónica Móviles. Así o adiantou o concelleiro de Urbanismo, José Ramón Gómez Besteiro, quen fixo pública a súa decisión mediante decreto.

As antenas de telefonía, situadas no número 7 de Nicomedes Pastor Díaz e no 44 da rúa Flor de Malva, tiñan xa orde de paralización da actividade, xa que carecían de licencia municipal.

Unha vez desoídas por parte de Teléfonica estas decisións, ordeouse precintar a súa actividade e suspender o suministro de enerxía eléctrica para que non continúen a funcionar.

Por outra banda, o concelleiro ditou xa a orde de paralización da obra de instalación da antena de telefonía situada na rúa Amor Meilán, xa que tamén carece de licencia municipal.